Tritol ne makinen e inspektorit te Ndertimit ne Fier
Nga shperthimi nuk ka pasur te lenduar. Per zbardhjen e ngjarjes jane shoqeruar 10 persona
Mbremjen e se shtunes ne qytetin e Fierit eshte degjuar nje shperthim i cili ka tronditur banoret e lagjes Apolonia. Lenda plasese qe ka shperthyer ka qene vendosur ne mjetin e mjetin e inspektorit te Ndertimit ne qytetin Fierit. Policia ka reaguar menjehere duke mberritur me urgjence ne vendngjarje. Sipas burimeve zyrtare nga policia mesohet se lenda plasese qe shkaktoi shperthimin eshte tritol nderkohe qe blute e qytetit te Fierit jane vene ne levizje per zbardhjen e plote te ngjarjes dhe kapjen e autoreve. Lidhur me shperthimin e mjetit te inspektorit te Ndertimores policia e Fierit ka bere shoqerimin e 10 personave ne komisariatin e Fierit por deri tani pa rezultat pasi nga te pyeturit asnjeri nuk ka konfirmuar te kete dijeni per kete ngjarje. Sipas policise edhe vete i demtuari Gentian Varfi ka deklaruar se nuk ka pasur konflikte apo debate qe mund te sillnin kete sulm ndaj tij. Po sipas te njejtave burime mesohet se ne pyetje jane marre edhe kolege te ketij te fundit.
Shperthimi
Shperthim i pazakonte ka tronditur banoret e lagjes Apolonia ne Fier mbremjen e se shtunes rreth ores 2130. Burime zyrtare nga policia kane bere te ditur se lenda plasese ishte vendosur ne nje automjet tip BMW me targa greke. Po sipas te njejtave burime eshte mesuar se behet fjale per automjetin e inspektorit ne Inspektoratin Ndertimor ne Fier Gentian Varfi. Makina ndodhej e parkuar poshte pallatit ku banon Varfi dhe ka pesuar demtime ne pjesen e perparme te saj. Burimet zyrtare te policise kane konfirmuar se nga shperthimi jane thyer xhamat e nje lokali qe ndodhet ne katin e pare te pallatit. Fatmiresisht nuk ka pasur viktima apo njerez te lenduar pasi ne kohen kur ka ndodhur shperthimi kalimtaret kane qene te rralle ne kete lagje per arsye se ne ate orar kjo zone nuk frekuentohet shpesh. Dyshohet se lenda plasese qe shkaktoi shperthimin eshte tritol por ekspertet po kryejne te gjitha verifikimet e nevojshme. Polica po heton per zbardhjen e plote te ngjarjes dhe kapjen e autoreve.
Hetimi
Hetimet lidhur me shperthimin e automjetit te inspektorit te Ndertimores qe ndodhi te shtunen ne lagjen Apolonia ne Fier kane cuar ne shoqerimin e 10 personave ne komisariatin e Fierit. Policia ka bere te ditur se ende nuk ka te dhena pasi askush nga te pyeturit nuk ka konfirmuar te kete dijeni per ngjarjen. Nderkohe edhe vete i demtuari Gentian Varfi ka deklaruar se nuk ka pasur konflikte apo debate qe mund te sillnin kete sulm ndaj tij. Ai eshte shprehur per policine se aktiviteti i dy javeve te fundit i Policise Ndertimore ka qene heqja e tabelave reklamuese neper rruget e qytetit. Inspektori Varfi ka treguar se ne te gjitha bizneset kane gjetur mirekuptimin dhe gjithcka eshte bere konform rregullave. Nderkohe ne pyetje jane marre edhe koleget e Varfit te cilet mund te kene dijeni per ndonje konflikt te mundshem. Tashme dosja ne ngarkim te ceshtjes i ka kaluar Prokurorise se Rrethit Gjyqesor Fier per hetime me te detajuara.