Trojka e ambasadorëve: Hetim për 21 janarin, Prokuroria organi kopetent

Në prag të 1- vjetorit të përkujtimeve të 21 janarit, ku para godinës së Kryeministrisë humbën jetën katër demostrues, ka ardhur dhe reagimi nga Kryetari i Prezencës së OSBE në Tiranë, Ambasadori Eugen Wollfarth, ai i Shteteve të Bashkuara të Amerikës, Aleksander Arvizu dhe i Bashkimit Evropian, Etore Sekui, të cilët  kanë leshuar një deklarate të përbashkët.

Duke e cilësuar 21 janarin si një ditë të dhimbshme, ambasadorët kanë kërkuar që të hidhet dritë mbi këtë ngjarje, duke mos anashkaluar faktin që Prokuroria ka mbështetjen e tyre.

21 janari 2011 ishte një ditë e dhimbshme në historinë e afërt të Shqipërisë me demonstrata të dhunshme në kryeqytetin shqiptar. Në atë ditë tragjike, katër protestues u vranë dhe dhjetëra të tjerë, përfshirë protestues, kalimtarë dhe oficerë policie, u lënduan. Sërish, duam të shprehim ngushëllimet tona për familjarët e viktimave të kësaj dhune të pakuptimtë dhe të pafalshme.

Është e nevojshme që të hidhet dritë e plotë mbi ngjarjet e 21 janarit nëpërmjet një procedure gjyqësore të besueshme, përfshirë një hetim gjithëpërfshirës, të pavarur dhe të lirë nga ndikimet partiake. Me të drejtë, populli shqiptar pret që të jepet drejtësi. Në këtë kontekst, ne besojmë që Zyra e Prokurorisë së Përgjithshme të Shqipërisë është institucioni i duhur për ta kryer këtë hetim dhe ai institucion ka besimin dhe mbështetjen tonë të plotë.

Për ta, kjo demostratë ishte mjaftë e dhunshme, ndaj dhe duhet të ketë një proces gjyqësor të besueshëm, të lirë dhe nga ndikimet politike. Duke qëndruar në të njëtën kontekst, ambasadorët kërkuan nga të dy palët  forcimin e dialogut, e cila do të ishte një kontribut në të mirë të vendit. Politikanët duhet të përqëndrohen në shkëmbime konstruktive, të cilat i shërbejnë një vendi dhe jo në retorika boshe.

“Sigurimi i respektit për shtetin ligjor është një element thelbësor i shoqërive demokratike dhe një parakusht për përparimin drejt integrimit në BE. Kjo është gjithashtu pjesë e aspiratave të popullit shqiptar. 21 janari 2012 duhet të jetë më tepër se një ditë përkujtimore. Duhet të jetë gjithashtu një rast për të gjithë qytetarët shqiptarë që të shohin drejt së ardhmes dhe për forcat politike që të forcojnë dialogun e tyre politik, bashkëpunimin mbi integrimin në BE dhe procesin e reformave. Për këto arsye, ne nxisim udhëheqësit politikë të Shqipërisë t`i japin përparësi interesave të vendit dhe atyre të qytetarëve të tij para çështjeve partiake dhe të përqendrohen që të punojnë së bashku mbi hapat konkrete që në mënyrë vendimtare ta çojnë Shqipërinë përpara në rrugën e reformormave, përfundon letra e ambasadorëve.