Trupi i Voglit mbërrin në Tiranë, homazhe në orën 11:00
Tiranë- Trupi i pajetë i Kapiten Feti Voglit ka mbërritur në aeroportin e Rinasit në orët e para të ditës së sotme.
Rreth orës 03:00 të së premtës i mbuluar me flamurin Kuq e Zi trupi i Voglit u prit në aeroport nga të afërm dhe zyrtarë të lartë të Forcave të Armatosura.
Tashmë trupi i komando Feti Voglit është në banesën e familjarëve të tij në fshatin Baldushk të Tiranës.
Ndërkohë që ceremonia e varrimit do të kryhet me protokoll shtetëror. Vogli humbi jetën 4 ditë më parë në krye të detyrës në Kandahar të Afganistanit.
Biografia e Kapiten Feti Voglit
Kapiten Feti Vogli, lindur më 23.05.1981, në fshatin Baldushk të rrethit të Tiranës, është i martuar dhe nga martesa e tij me zonjën Alva, ka një vajzë 2 vjeçe me emrin Egi. Pas mbarimit të Akademisë Ushtarake, në specialitetin Artileri Toksore u bë pjesë e Forcave të Armatosura, me detyrë komandant Toge në Brigadën e Stërvitjes të Bazës Bunavi.
Pas kryerjes me sukses të kursit Bazë të Forcave Speciale më datë 16.07.2005 është bërë pjesë e Batalionit të Forcave Speciale me detyrë Komandant Grupi. Nga data 1.06.2010 kryente detyrën e komandantit të Grupit të Parë Special në kompaninë e Aksioneve Speciale Ujore. Kapiten Feti Vogli ishte një ushtarak kariere i shkëlqyer dhe si rezultat i arritjeve në detyrë është dekoruar disa herë me medalje ndryshme si:
Medalja e Karierës në vitin 2007 nga komandanti i Forcës së Bashkuar.
Medalja për Shërbime Ndërkombëtare nga ministri i Mbrojtjes në vitin 2007.
Medalje për shërbime të Shquara nga ministri i Mbrojtjes në vitin 2010.
Nga data 16.012012 është dërguar me mison luftarak EAGLE 4 në përbërje të Batalionit të Forcave Speciale në Kandahar të Afganistanit.
Programi i ceremonisë së varrimit
P R O G R A M
I CEREMONISË MORTORE TË DËSHMORIT TË ATDHEUT,
KAPITEN FETI VOGLI,
RËNË MË 20. 02. 2012 NË KRYE TË DETYRËS NË MISION KANDAHAR TË AFGANISTANIT
E Premte, 24 shkurt 2012
Ora 03:15 - Pritet mbërritja e avionit që mbart trupin e të ndjerit
Ora 03:20 – Trumpetat njoftojnë për daljen e arkivolit nga avioni
Ora 03:20 03:25 – Përgatitja për fillimin e lëvizjes për tek automjetet
Ora 03:25 03:30 – Ecja me arkivolin mbi supet e ushtarakëve për 200 m deri tek makina e funeralit
Vendosja e arkivolit në makinën e funeralit. Pjesëmarrësit zenë vendet e tyre nëpër makina
Ora 06:45 10:00 – Ceremonia mortore familjare
Ora 10:00 10:45 – Lëvizja e arkivolit me trupin e të ndjerit për në Pallatin e Kongreseve
Ora 10:45 11:00 – Vendosja e arkivolit ne vendin ku do të zhvillohen homazhet në Hollin e Pallatit të Kongreseve
Ora 11:00 12:15 – Zhvillimi i homazheve
Ora 12:15 12:20 – Zhvillimi i homazheve nga Ministri i Mbrojtjes dhe Shefi i Shtabit
Ora 12:25 12:30 – Zhvillimi i homazheve nga Kryeministri
Ora 12:30 12:35 – Zhvillimi i homazheve nga Kryetarja e Kuvendit
Ora 12:35 12:40 – Zhvillimi i homazheve nga Presidenti
Ora 12:45 13:00 – Zënia e vendeve për fillimin e ceremonisë mortore
Ora 13:00 - Fillimi i ceremonisë zyrtare
Ora 13:00 13:05 – Himni Kombëtar
Ora 13:05 13:10 – Fjala e lamtumirës
Ora 13:10 13:11 – Trompetat njoftojnë për përfundimin e ceremonisë
Ora 13:11 13:25 – Rreshtimi i pjesëmarrësve në ceremoni për lëvizjen drejt Varrezave të Dëshmorëve të Atdheut
Ora 13:25 13:50 – Lëvizje e kortezhit për në Varrezat e Dëshmorëve të Atdheut
Ora 13:50 14:00 – Grumbullimi i pjesëmarrësve në ceremoninë e varrimit dhe vendosja e tyre në vendet e caktuara
Ora 14.00 14.07 – Zhvillimi i Ceremonisë së Apelit të Fundit nga Komandanti i Batalionit të Operacioneve Speciale, Kolonel Dritan DEMIRI
Ora 14.07 14.17 – Lëvizja e arkivolit të mbajtur në krahë nga grupi i ushtarakëve për në vendin e varrimit
Ora 15.00 – Përfundimi i ceremonisë
Ora 15.00 15.30 – Lëvizje për në Qendrën Kulturore të Ushtrisë
Ora 15.30- Dreka e përmortshme
SHEFI I PROTOKOLLIT TË MINISTRISË SË MBROJTJES
Kapiten i Rangut II Artur Sheko
Shkrime të tjera me interes:
- Peci dërgohet në Gjermani, trupi i Voglit nesër në atdhe Tiranë- Pas ndërhyrjes kirurgjikale kur dhe u raportua se nëntetar...
- Në nderim të Voglit, NATO ul në gjysmë shtizë flamurin shqiptar Bruksel- Në nderim të kapiten feti Voglit i cili u...
- Tiranë, gjendet trupi i 12 vjeçarës që ra në lumë Tiranë- Trupi i pajetë i 12 vjeçares, që ra nga...