Trusti pensional i shqetësuar

Performanca e mirë në tremujorin e parë të investimeve të Trustit të Kursimeve Pensionale të Kosovës, nuk e bënë këtë institucion të ndihet i qetë muajve në vazhdim.

Trusti është i shqetësuar për investimet e tij pas zhvillimeve të fundit globale, siç është tërmeti në Japoni, kriza në botën arabe si dhe zgjatja e krizës së borxheve në shumë vende të BE-së.

“Ky tremujor ishte i ngarkuar edhe me ngjarje negative për tregjet financiare, më e rëndësishmja e të cilave ishin tërmeti dhe cunami katastrofal në Japoni në muajin mars”., thuhet në raportin tremujor të Trustit.