Tunnicliffe debutoi me Unitedin, babai fitoi bastin

Ryan Tunnicliffe kaloi një mbrëmje të veçantë të mërkurën kur debutoi për Manchester Unitedin dhe ia fitoi një bast babait të tij, Mick. Ky i fundit kishte vënë bast prej 100 funtesh që biri i tij do të luajë për Unitedin në kohën kur ai ishte nëntë vjeç.

Dhe, ai fitoi 10 mijë funte kur mesfushori u paraqit si zëvendësues në minutën e 77-të të fitores 2-1 ndaj Newcastle Unitedit. Tunnicliffe, tani 19 vjeç, bëri 30 paraqitje gjatë periudhës së huazimit te Peterborough United sezonin e kaluar por futbollisti i cili depërtoi nga rangu i ulët në Carrington, u desh të priste për të veshur fanellën e kuqe të gjigantit nga Old Trafford.

United fitoi ndaj Newcastles në natën e veçantë të familjes Tunnicliffe. Ky bast i suksesshëm është i ngjashëm me atë që kishte vënë babai i Chris Kirklandit, i cili po ashtu fitoi 10 mijë funte kur portieri debutoi për Anglinë në gusht 2006.

Eddie Kirkland rrezikoi 100 funte pasi ishte i bindur se biri i tij, aso kohe 14 vjeç, do të përfaqësonte Anglinë. Ajo ishte paraqitja e parë dhe deri më tani e vetme për Anglinë nga ish portieri i Wiganit dhe Liverpoolit.