Turizmi, çështja e pronave po largon investitorët e huaj
Autori i Lajmit: red.
Çështja e pronave po mban peng zhvillimin e turizmit në vendin tonë. Investitorët e huaj i tremben blerjes së pronave në Shqipëri për shkak të mungesës së tapive. Shoqata e Turzimit Shqiptar raporton se investitorët e huaj janë të gatshëm të investojnë në sektorin e industrisë së turizmit, të blejnë territore, por këtë duan ta bëjnë vetëm me tituj të qartë dhe të ligjshëm të pronësisë. Lidhur me këtë problem, Jan Rudolf, drejtues i programeve për bashkëpunimin dhe zhvillimin në ambasadën gjermane në Tiranë, u shpreh dje gjatë një konference për turizmin se "zgjidhja e problemit aktual të pronave në Shqipëri ka rëndësi të madhe për tërheqjen e investitorëve të huaj dhe krijimin e besimit tek ta për t´u angazhuar në industrinë shqiptare të turizmit. "Shoqata e Turizmit Shqiptar, ATA, ka rreth 10 muaj që është krijuar me mbështetjen e fuqishme të GTZ-së gjermane (Shoqata gjermane për Bashkëpunimin Teknik). Kjo shoqatë ka një aktivitet intensiv në Shqipëri dhe synon ta shtrijë aktivitetin e saj në të gjithë territorin e vendit. Konferenca që zhvilloi punimet dje me temën: "Sigurimi i zhvillimit të qëndrueshëm të industrisë së turizmit në Shqipëri" kishte si bosht pikërisht veprimtarinë e kësaj shoqate në nivel kombëtar. Në konferencë merrnin pjesë ekspertë shqiptarë dhe të huaj, drejtues të agjencive private dhe përfaqësues nga qeveria dhe institucionet përkatëse shtetërore. Në konferencë u trajtuan çështje të tilla si: Tendencat botërore dhe lidhjet e tyre me realitetin shqiptar në fushën e turizmit, çfarë përftion Shqipëria nga procesi i integrimit euroatlantik, zhvillimi i infrastrukturës, mbrojtja e mjedisit, shërbimi që ofrohet nga turizmi privat. Jan Rudolf, drejtues i programeve për bashkëpunimin dhe zhvillimin në ambasadën gjermane në Tiranë e vuri theksin tek rëndësia që ka zhgjidhja e problemit të pronës në Shqipëri: "Nga kontaktet që kam pasur, investitorë të ndryshëm gjermanë vazhdimisht janë shprehur, se ata janë të gatshëm të investojnë në sektorin e industrisë së turizmit, të blejnë territore, por këtë duan ta bëjnë vetëm me tituj të qartë dhe të ligjshëm të pronësisë",- tha Rudolf. Sipas tij, Gjermania në programet e saj të mbështetjes për Shqipërinë ka përfshirë edhe projektet për përmirësimin e infrastrukturës rrugore e të sistemit energjetik. Këta sektorë janë më se relevantë për përmirësimin e gjendjes së zonave turistike dhe për lidhjen e tyre me njëra - tjetrën. Në kuadër të përpjekjeve që bën vendi për integrimin euroatlantik, u tha në konferencë, "zhvillimi i turizmit ka një potencial të madh, për ta afruar më shumë Shqipërinë me Bashkimin Evropian, për të sjellë më shumë evropianë, që të njihen me Shqipërinë dhe mikpritjen e njerëzve". Nga pjesëmarrësit në konferencë u theksua edhe nevoja e rritjes së botimeve për promovimin e turizmit, për zgjerimin e kalendarit turistik në të gjitha stinët, ndërkohë që aktualisht ai është vetëm veror. Në këtë kontekst synohet shfrytëzimi i burimeve të paprekura siç janë zonat kodrinore e malore.
Ky lajm është publikuar: 16/01/2009
Çështja e pronave po mban peng zhvillimin e turizmit në vendin tonë. Investitorët e huaj i tremben blerjes së pronave në Shqipëri për shkak të mungesës së tapive. Shoqata e Turzimit Shqiptar raporton se investitorët e huaj janë të gatshëm të investojnë në sektorin e industrisë së turizmit, të blejnë territore, por këtë duan ta bëjnë vetëm me tituj të qartë dhe të ligjshëm të pronësisë. Lidhur me këtë problem, Jan Rudolf, drejtues i programeve për bashkëpunimin dhe zhvillimin në ambasadën gjermane në Tiranë, u shpreh dje gjatë një konference për turizmin se "zgjidhja e problemit aktual të pronave në Shqipëri ka rëndësi të madhe për tërheqjen e investitorëve të huaj dhe krijimin e besimit tek ta për t´u angazhuar në industrinë shqiptare të turizmit. "Shoqata e Turizmit Shqiptar, ATA, ka rreth 10 muaj që është krijuar me mbështetjen e fuqishme të GTZ-së gjermane (Shoqata gjermane për Bashkëpunimin Teknik). Kjo shoqatë ka një aktivitet intensiv në Shqipëri dhe synon ta shtrijë aktivitetin e saj në të gjithë territorin e vendit. Konferenca që zhvilloi punimet dje me temën: "Sigurimi i zhvillimit të qëndrueshëm të industrisë së turizmit në Shqipëri" kishte si bosht pikërisht veprimtarinë e kësaj shoqate në nivel kombëtar. Në konferencë merrnin pjesë ekspertë shqiptarë dhe të huaj, drejtues të agjencive private dhe përfaqësues nga qeveria dhe institucionet përkatëse shtetërore. Në konferencë u trajtuan çështje të tilla si: Tendencat botërore dhe lidhjet e tyre me realitetin shqiptar në fushën e turizmit, çfarë përftion Shqipëria nga procesi i integrimit euroatlantik, zhvillimi i infrastrukturës, mbrojtja e mjedisit, shërbimi që ofrohet nga turizmi privat. Jan Rudolf, drejtues i programeve për bashkëpunimin dhe zhvillimin në ambasadën gjermane në Tiranë e vuri theksin tek rëndësia që ka zhgjidhja e problemit të pronës në Shqipëri: "Nga kontaktet që kam pasur, investitorë të ndryshëm gjermanë vazhdimisht janë shprehur, se ata janë të gatshëm të investojnë në sektorin e industrisë së turizmit, të blejnë territore, por këtë duan ta bëjnë vetëm me tituj të qartë dhe të ligjshëm të pronësisë",- tha Rudolf. Sipas tij, Gjermania në programet e saj të mbështetjes për Shqipërinë ka përfshirë edhe projektet për përmirësimin e infrastrukturës rrugore e të sistemit energjetik. Këta sektorë janë më se relevantë për përmirësimin e gjendjes së zonave turistike dhe për lidhjen e tyre me njëra - tjetrën. Në kuadër të përpjekjeve që bën vendi për integrimin euroatlantik, u tha në konferencë, "zhvillimi i turizmit ka një potencial të madh, për ta afruar më shumë Shqipërinë me Bashkimin Evropian, për të sjellë më shumë evropianë, që të njihen me Shqipërinë dhe mikpritjen e njerëzve". Nga pjesëmarrësit në konferencë u theksua edhe nevoja e rritjes së botimeve për promovimin e turizmit, për zgjerimin e kalendarit turistik në të gjitha stinët, ndërkohë që aktualisht ai është vetëm veror. Në këtë kontekst synohet shfrytëzimi i burimeve të paprekura siç janë zonat kodrinore e malore.
Ky lajm është publikuar: 16/01/2009