Turqia do të hartojë kushtetutën e re, plotësisht civile
Qëllimi është që të hartohet një kushtetutë më e thjeshtë dhe me karakter më demokratik, e cila do të zëvendësojë kushtetutën aktuale, e hartuar 30 vite më parë nën udhëheqjen ushtarake.
Kushtetuta aktuale i dha pushtet të madh ushtrisë, zvogëloi të drejtat e individit dhe injoroi gjerësisht minoritetet e vendit, përfshirë edhe kurdët.
Drafti për kushtetutën e re pritet të përmbyllet deri në fund të vitit. Komisioni multi-partiak deri tani ka operuar gjerësisht me konsensus duke premtuar një kushtetutë që garanton dëshirën e popullit dhe krijon një demokraci përfaqësuese.
Anekënd Turqisë janë mbajtur takime në të cilët shoqëria civile është inkurajuar të kontribuojë me pikëpamjet e saj, thonë korrespondentët.
Çështjet më delikate janë ende përpara. Pikat më të nxehta janë autonomia kulturore e kurdëve dhe kompetencat e Presidentit.
Kryeministri, Rexhep Tajip Erdoan, i cili ka dominuar politikën e vendit për më shumë se një dekadë nuk i ka fshehur ambiciet e tij për të kaluar në presidencë pasi t’i përfundojë mandati i fundit.
Nëse konsensusi për kushtetutën nuk arrihet në Parlament, Erdoan ka kërcënuar se do ta miratojë kushtetutën me referendum.
/Start/F. Prroni/
2012-05-01 17:09
Kushtetuta aktuale i dha pushtet të madh ushtrisë, zvogëloi të drejtat e individit dhe injoroi gjerësisht minoritetet e vendit, përfshirë edhe kurdët.
Drafti për kushtetutën e re pritet të përmbyllet deri në fund të vitit. Komisioni multi-partiak deri tani ka operuar gjerësisht me konsensus duke premtuar një kushtetutë që garanton dëshirën e popullit dhe krijon një demokraci përfaqësuese.
Anekënd Turqisë janë mbajtur takime në të cilët shoqëria civile është inkurajuar të kontribuojë me pikëpamjet e saj, thonë korrespondentët.
Çështjet më delikate janë ende përpara. Pikat më të nxehta janë autonomia kulturore e kurdëve dhe kompetencat e Presidentit.
Kryeministri, Rexhep Tajip Erdoan, i cili ka dominuar politikën e vendit për më shumë se një dekadë nuk i ka fshehur ambiciet e tij për të kaluar në presidencë pasi t’i përfundojë mandati i fundit.
Nëse konsensusi për kushtetutën nuk arrihet në Parlament, Erdoan ka kërcënuar se do ta miratojë kushtetutën me referendum.
/Start/F. Prroni/
2012-05-01 17:09