Turqia në vend të Greqisë
Sipas gazetës amerikane ‘The Wall Street Journal’, Turqia duhet të zë vendin e Greqisë në Eurozonë.
Gazeta nënvizon se, në rast se Greqisë do t’i kërkohet që ta braktisë Eurozonën, atëherë Turqia do të mund të zinte vendin e saj.
Madje, sipas gazetës, kjo ide është tejet tërheqëse shikuar nga plani teorik.
"Evropa ka nevojë për rritje, e jo vetëm për shkurtime. Për më tepër, tashmë dihet se Greqia nuk po ecën në drejtim të duhur në raport me mundësitë për krijimin e një rritjeje ekonomike, për dallim nga Turqia, e cila po shënon rritje të konsiderueshme ekonomike", thuhet në komentin e ‘The Wall Street Journal’, derisa përkujtohet se vitin e kaluar në Turqi është shënuar një rritje ekonomike prej 11 përqind, përderisa në shumë shtetet anëtare të BE’së ka pasur krizë financiare dhe rënie ekonomike.