U kapen me heroine, apeli le ne burg tre gjermanet

Tirane- Tre gjermanet te kapur me 40 kilograme heroine do te qendrojne ne qeli, deri ne perfundim te hetimeve. Gjykata e Apelit per Krime te Renda, ka lene dje ne fuqi vendimin e dhene nga koleget e saj dy jave me pare. Keshtu togat e zeza caktuan masen e sigurise "arrest me burg", per ciftin Franz Kiacsek, 43 vjec dhe Regina Kiacsek, 46 vjec. E njejta mase u vendos edhe per Daniel Englert, 61 vjec. Para gjykates tre shtetasit e huaj kane mbajtur nje qendrim mohues per akuzen, duke pretenduar se nuk kishin dijeni per drogen. Cifti Kiacesk, ka pretenduar se ne automjetin e tyre ishte nje pikture, por jo sasi lende narkotike, nderkohe qe Englert ka pretenduar se ai thjesht kishte mbajtur automjetin e te njohurve te tyre. Se bashku me tre gjermanet ne pranga rane edhe dy shtetasit shqiptare, Zaim Tafa i cili njihet ne qytetin e Fierit si biznesmen dhe eshte pronari i lokalit me emrin "Keshtjella" ne rrugen qe te con ne Patos dhe Alban Pellumbi. Dy shqiptaret njihen si korrier. Tre te pandehurit gjermane akuzohen nga Prokuroria e Krimeve te Renda, se ne bashkepunim me njeri-tjetrin kane tentuar qe te trafikojne nje sasi prej 40 kilograme heroine ne drejtim te Greqise. Sasia e droges u kap ne piken kufitare te Kakavijes. Mesohet se sasia e droges me pas, do te transportohej ne drejtim te Italise, ku edhe dyshohet se do te shitej.

Prokuroria e Krimeve te Renda, disponon prova te konsiderueshme ne ngarkim te tyre. Para arrestimit shtetasit gjermane jane vezhguar nga agjentet e Antidroges, per shkak te informacioneve te siguruara ne rruge operative.