UEFA gjobit Shkëndijën me 25 mijë €
Nga Express më 23 shtator 2011 në ora 11:05
Humbja në dy ndeshje nga Partizani i Beogradit, përveç eliminimit nga kualifikimet për Ligën e Kampionëve, Shkëndijës i ka kushtuar shtrenjtë edhe në buxhetin e saj.
UEFA e ka gjobitur skuadrën shqiptare nga Maqedonia me 25 mijë euro, pasi tifozët e saj në ndeshjen e kthimit ndaj ekipit serb kishin shfaq sjellje të ndaluara me rregulloret e shtëpisë së futbollit evropian.
Rreth shqiptimit të këtij dënimi, UEFA e ka njoftuar e kampionin e shtetit fqinj nëpërmjet një shkrese zyrtare. Lajmin e kanë konfirmuar për Alsat-M edhe vetë zyrtarë të Shkëndijës.