UNICEF: Tripoli rrezikohet nga epidemia

UNICEF ka lëshuar alarmin e përhapjes së epidemisë mjekësore në Tripoli. Ky alarm lidhet me emergjencën që forcat e ndihmës së shpejtë po përballen, kryesisht në furnizimin me ujë.

Deri më tani UNICEF ka shpërndarë 23 mijë shishe uji, ndërsa 90 mijë të tjera pritet të shpërndahen gjatë ditës së sotme. Mësohet gjithashtu se rreth 5 milionë litra ujë do të vihen në dispozicion gjatë ditëve të ardhshme për Tripolin.