UNMIK: Zannier do të takohet me zyrtarët serbë

Prishtinë - Shefi i Misionit të OKB-së në Kosovë, Lamerto Zannier, gjatë këtij muaji do të takohet me zyrtarët e Serbisë për të diskutuar për përgatitjet për mbledhjen e ardhshme të Këshillit të Sigurimit të OKB-së për Kosovën, tha zëdhënësi Russell Geekie. UNMIK-u konfirmon se zoti Zannier, e ka marrë një ftesë për tu takuar me ministrin e jashtëm serb, Vuk Jeremiç dhe me ministrin për Kosovën, Goran Bogdanoviç, më vonë këtë muaj në Beograd. Zannier, ka zhvilluar konsultime të ngjashme edhe me autoritetet në Prishtinë.