Ujësjellësi Tiranë: Ministritë e minibashkitë s'paguajnë ujin

TIRANE-Debitorët më të mëdhenj të ujesjellësit janë institucionet e rëndësishme të qeverisjes qëndrore dhe asaj vendore. Ujësjellësi i Tiranës bën të ditur sot se ka nisur një aksion për ndërprerjen e furnizimit me ujë të të gjithë debitorëve të saj në Tiranë.

Plot 330 milionë lekë të reja është shuma e parave që disa ministri, institucione në varësi të tyre dhe njësitë bashkiake të kryeqytetit i detyrohen Ujësjellësit të Tiranës për furnizimin me ujë.

“Ministria e Shendetesise dhe insitucione ne varesi te saj ne Tirane i detyrohen UKT-se 48.6 milione leke (te reja)
Ministria e Arsimit dhe insitucione ne varesi te saj 170.8 milione leke (te reja)
Ministria e Mbrojtjes dhe insitucione ne varesi te saj 31.1 milione leke (te reja)
Ministria e Turizmit dhe institucione ne varesi te saj 6.6 milione leke (te reja)
Drejtoria e Sherbimeve Qeveritare 20.1 milione leke (te reja)
Njësite bashkiake ne Tirane 10.4 milione leke (te reja)”.

Zyra për shtyp e Ujësjellësit të Tiranës njofton se ka nisur nderprerjen e furnizimit me ujë për të gjithë debitoret e saj në Tiranë dhe paralajmeron se i njëjti standard do të zbatohet edhe për të gjitha insitucionet debitore.

(d.b/BalkanWeb)