"Uji i Ftohte", sherr pronesie mes 2 familjeve

Vlore- Prishja e nje objekti pa leje ne zonen e "Ujit te Ftohte", Vlore, eshte bere shkak per nje konflikt te ashper mes dy familjeve qe pretendonin pronesine. Fadromat jane rikthyer serish ne pronen e Petref Halilajt, per te shembur pas nje godine edhe lokalin e familjes te ndertuar mbi nje prone, qe sipas tyre e kane perfituar nepermjet ligjit 7501. Por pak muaj me pare pronaret e vjeter te tokes, kane siguruar legalizimin e truallit dhe kane kerkuar boshatisjen e ambienteve, pasi ishte marre dhe leja per ngritjen e nje pallati shumekatesh. Ky vendim eshte bere shkak per sherrin e djeshem, pasi pronaret aktuale pretendonin se duhet te perfundonte procesi gjyqesor. Gjithsesi jane dashur 100 forca policie, te FNSH-se dhe policise bashkiake per te zhbllokuar situaten. Blute shoqeruan tre pjesetare te familjes Halilaj ne komisariat, kurse fadromat shemben edhe lokalin e mbetur ne truallin ku do te ndertohet pallati.