Uji nis “terheqjen”, tkurret harta e permbytjeve

SHKODER- Tkurret harta e tokave te permbytura ne zonen e Shkodres si pasoje e permiresimit te kushteve atmosferike dhe renies se intensitetit te shkarkimeve ne kaskaden e Drinit. Uji eshte “terhequr” nga te pakten 400 ha toke diten e djeshme, megjithese mbi 100 banesa mbeten te rrethuara nga prurjet e Bunes dhe Drinit. Evakuimet e banoreve jane nderprere dhe Shtabi i Emergjencave ne prefekture po ndjek hap pas hapi zhvillimet. Me e prekur mbetet zona e Obotit, Ashtes, Berdices, Dajcit, Ana e Malit dhe perreth lagjeve “Ajasem” e “Livadhe”. Diten e djeshme jane raportuar nga shtabi 1100 ha toke nen uje dhe ka nisur terheqja e ujerave nga lagjet e mesiperme. Nderkohe qe banoret e Obotit kane vijuar protesten per permbytjet dhe demshperblimet e muajve janar e shkurt. Aktualisht mesohet se vetem 5 banesa jane nen uje ne komunen Ana e Malit, kurse prurjet e ujerave jane te qeta. Ministri i Brendshem, Lulzim Basha ka deklaruar se situata po permiresohet dhe intensiteti i permbytjeve po bie.