Policia ne alarm, zhduken dy vajza brenda nje dite

Durres- Dy vajza jane zhdukur brenda nje dite nga qyteti i Durresit, kurse prinderit e tyre te moshuar depozituan denoncimet mbremjen e se merkures ne komisariat. Policia dyshon se dy te rejat mund te jene larguar se bashku, por dyshohet edhe per nje trafikim te mundshem, pervec largimit me deshire. Burime zyrtare bene me dije se rreth mesnates se merkure, jane paraqitur ne komisariat dy burra. I pari ka qene 47-vjecari Z. Mehmetaj, lindur ne Tropoje dhe banues ne lagjen nr. 17 Durres, i cili beri kallezim per largimin nga banesa te vajzes se tij, Esmire Mehmetaj, 21 vjece. Gjate deshmise se dhene babai ka deklaruar se nuk kishte probleme familjare me te bijen apo zenka dhe se eshte befasuar nga ky largim pa adrese. Fotografia dhe te dhenat e tjera i jane shperndare policive kufitare dhe komisariateve, me qellim gjetjen e te humbures. Gjysme ore me pas, ne polici ka mberritur edhe 64-vjecari S. Ndregjoni, lindur ne Diber dhe banues ne lagjen nr. 6 Durres, qe ka bere kallezim per largimin nga banesa te vajzes se tij Anisa Ndregjoni, 18 vjece. Edhe ne kete rast familjaret nuk kane ditur si ta shpjegojne arratine e adoleshentes, ndersa dyshojne se mund te jete larguar me ndonje djale me te cilin ka pasur njohje gjate muajve te fundit. Policia ka kontrolluar pergjate portit te Durresit, hotelet dhe motelet, kurse informacioni i eshte percjelle edhe policeve te rrugores per kontroll automjetesh. Pistat ne te cilat hetohen dy denoncimet jane largim me deshire nga banesa dhe nje trafikim i mundshem jashte vendit.
Precedenti
Dy muaj me pare, prinderit e dy gjimnazisteve denoncuan ne Komisariatin e Durresit humbjen e tyre ne rrethana te paqarta, ndersa i prisnin ne shtepi te ktheheshin si cdo dite nga shkolla. Vajzat, kusherira me njera-tjetren, u gjeten teksa tentonin te mbyteshin ne det, pas depresionit per shkak te notave te uleta ne shkolle.