Ukrainë, FIFA dhuron 1 milionë dollarë

Një milionë dollar për viktimat e luftës në Ukrainë, Kjo është shifrua e dhuruar nga FIFA, e destinuar për të ndihmuar njerëzit që sot po vuajnë agresionin rus në tokën e tyre. FIFA ka nisur gjithashtu punën për dërgimin e ndihmave humanitare në zonat më të prekura të konfliktit. “Po punojmë sëbashku me fondacionin e UEFA-s për fëmijët për t’i dhënë përgjigjet e duhura federatës së Ukrainës”, shkruan FIFA në një komunikatë zyrtare.

Presidenti Gianni Infantino shton më tej se ky gjest është një shenjë e qartë e vullnetit të FIFA-s për të ndihmuar popullin ukrainas dhe njerëzit e prekur nga konflikti i përgjakshëm. Ai shton gjithashtu se FIFA është e gatshme të ndihmojë sa më parë edhe komunitetet lokale të futbollit në Ukrainë. Momentalisht, lëvizja më e bujshme e FIFA-s në lidhje me luftën e Ukrainës, është përjashtimi i skuadrave ruse dhe Kombëtares së Rusisë nga çdo eveniment ndërkombëtar.

Në zyrat e institucionit me qëndër në Zyrih ka nisur të flitet edhe për një ide të mundshme të pjesëmarrjes së Ukrainës në Kupën e Botës, Katar 2022. Gjithsesi, ky është ende një projekt në kuadrin e zërave pasi nga FIFA nuk ka pasur asnjë konfirmim.