Ukrainë, Julia Timoshenko mund të dërgohet në Gjermani për trajtim mjekësor

Protestues me foto në dorë të Timoshenkos (AFP)

Prej javësh qeveria gjermane ka negociuar me Ukrainën mbi fatin e të burgosurës më të njohur: ish-kryeministren Julia Timoshenko. Gazeta gjermane Der Spiegel raporton se ajo mund të lirohet për një trajtim mjekësor në Berlin, mund të jetë i pashmangshëm.

Për këtë do të duhet që Presidenti Viktor Janukoviç të udhëzojë prokurorinë përgjithshëm Viktor Pshonka të ndryshojë rregullat ligjore në mënyrë që të lejohet dërgimi i Timoshenkos në kryeqytetin e Gjermanisë.

Sipas Der Spiegel, presidenti Yanukoviç është i interesuar që ti japi vendin një fytyrë humane në kohën kur në Ukrainë në qershor do të mbahet kampionati evropian i futbollit.

Sipas doktorëve të jashtëm, ish heroina e Revolucionit të Portokallinjtë në Ukrainë ka nevojë urgjente për kujdes mjekësorë që nuk ofrohet në burgjet e Ukrainës. Ukraina duket se ka marrë disa hapa që ti ofrojë asaj një kujdes të specializuar mjekësore.

Timoshenko u dënua me shtatë vite burg në tetorin e vitit të kaluar për abuzim me detyrën gjatë në kohën kur ishte në postin e kryeministres. Vendimi u kritikua gjerësisht nga ndërkombëtarët. /F.S/