Ukrainë, gjashtë vdekur në minierë

Donetsk - Gjashtë persona mbetën të vdekur nga shembja e dheut në një galeri në lindje të Ukrainës. Shembja e galerisë ka shkaktuar plagosjen edhe të 36 minatorëve të tjerë, ndërkohë që nga mediet vendase bëhet e ditur se brenda saj kanë mbetur te bllokuar 7 persona.

Grupet e shpëtimit mbërritën menjëherë në vendngjarje duke bërë të mundur shpëtimin e 36 punëtorëve, të cilët u dërguan me urgjencë në spital. Dy prej të plagosurve ndodhen në gjendje kritike për jetën.