Ukrainë, gjendet gjuha e përbashkët me Rusinë

Qeveritë e Ukrainës dhe Rusisë do të ulen të shtunën në tryezën e bisedimeve për të gjetur gjuhën e përbashkët mbi mosmarrëveshjet, të cilat ndërprenë furnizimin me gaz të disa shteteve evropiane. Bisedimet e djeshme pasuan kontaktet telefonike të një nate më parë mes Kryeministres ukrainase, Julia Timoshenko, dhe analogut rus, Kryeministrit Vladimir Putin, në një çast kur dy vendet gjenden nën presione të forta nga ana e Bashkimit Evropian për të zgjidhur mosmarrëveshjen.