Unioni i Gjyqtareve: KLD rrezikon te futet ne krize

Tirane- Unioni i Gjyqtareve te Shqiperise ka bere thirrje per mbledhjen sa me urgjente te konferences gjyqesore ne menyre te tille qe te emerohen anetaret e rinj te KLD-se. Unioni i ka bere thirrje dje Keshillit te Larte te Drejtesise, te mos marre asnje vendim per emerim, transferim apo vendime te tjera, derisa te zgjidhen anetaret e rinj, pasi dy prej anetareve te KLD-se iu ka mbaruar afati i tyre, ndersa dy te tjereve te emeruar ne detyra te tjera, nuk jane prezente ne kete organizem. Unioni i gjyqtareve ka theksuar gjate mbledhjes se djeshme se KLD-ja duhet te zgjedhe anetaret e rinj, pasi ajo futet ne krize. Diten e hene pritet qe te behet mbledhja e radhes se "Konferences gjyqesore". Kryetaret e gjykatave, shoqatat e gjyqtareve, perfaqesues nga Ministria e Drejtesise dhe perfaqesues nderkombetare do i kerkojne ekzekutivit te kalojne sa me pare projektligjin per "Konferencen Gjyqesore" ne qeveri dhe me pas ne Kuvend. Po ashtu komuniteti i gjyqtareve i ben thirrje edhe opozites qe te jape kontributin e saj qe ky ligj te kaloje sa me pare. Drafti per "Konferencen Gjyqesore" ka perfunduar dhe pritet qe se shpejti te kaloje ne qeveri per miratim. Ne drejtimin e kryetares se Gjykates se Larte Shpresa Becaj, pritet qe ne perfundim te takimit te dites se hene gjyqtaret te dalin me nje deklarate te perbashket ku t'i kerkohet ekzekutivit kalimi i draftit ne qeveri dhe me pas ne Kuvend.

R. Caushaj