Universitetet, qeveria ndihmon humbesit

Kandidatet te cilet nuk jane shpallur fitues per t’u pranuar ne universitetet publike me vendim te Keshillit te Ministrave, do t’u ofrohet nje shans tjeter. Per cdo dege ne te gjitha fakultetet, madje edhe ne ato ku jane plotesuar vendet, do te kete 5 kuota te lira shtese.

Ne 21 tetor te gjitha drejtorite arsimore do te jene pajisur me  formularin A3 te cilin kandidatet duhet ta terheqin dhe ta plotesojne ate per ta dorezuar brenda dates 27 tetor. Ne kete faze mund te perfshihen kandidatet te cilet kane fituar nje dege por jo ate qe kane preferuar.

Po keshtu, nga kjo mundesi perfitojne edhe ata kandidate qe kane fituar provimet me zgjedhje ne vitin akademik 2007-2008 dhe nuk figurojne te rregjistruar ne shkollat e larta publike. Nje tjeter mundesi i ofrohet edhe atyre kandidateve te cilet per pak pike nuk kane mundur te shpallen fitues.

Ne baze te pikeve te grumbulluara do te percaktohen fituesit, lista e te cileve do te shpallet nga Agjensia Kombetare e Pranimeve ne 5 nentor 2008. Rregjistrimi i fituesve do te behet prane sekretarive te shkollave te larta publike brenda dates 15 nentor 2008.