Universitetet shqipfolese axhende te perbashket per 100 vjetorin

Universitetet shqipfolëse në Shqipëri, Kosovë dhe Maqedoni po përgatisin një axhendë të përbashkët për të festuar 100 vjetorin e shtetit shqiptar. Për këtë arsye Rektori i Universitetit të Tetovës Vullnet Ahmeti, vizitën e tij të parë zyrtare në këtë post e kishte me homologun e tij në Tirane Dhori Kule, i cili garantoi se vlerat e intelektualëve shqiptarë do të prezantohen në mënyrën më të mirë.

Rektori i Universitetit të Tiranës Dhori Kule bisedoi me Rektorin e Universitetit të Tetovës Vullnet Ahmeti edhe për forcimin e bashkëpunimit në arsimin e lartë.

Të dy Rektorët gjithashtu kanë evidentuar edhe të tjera fusha me interes të përbashkët të cilat do të jenë në fokus të Universitetit të Tiranës dhe atij të Tetovës.