Ushqimet e skaduara, groposen 10 tone

Fier- Ushqimet e skaduara rrezikojne qarkun e Fierit. Specialistet e sektorit te Veterinarise ne bashki kane asgjesuar diten e djeshme rreth 10 tone nenprodukte te qumeshtit, te bllokuara gjate aksioneve te muajve te fundit. Lajmin e beri te ditur kryeinspektorja e ketij sektori ne bashki, Luiza Strati. Produktet jane konstatuar gjate kontrolleve ne treg tek fermeret e zonave rurale, pasi malli nuk kishte certifikate veterinarie dhe te drejtorise. Sasia eshte groposur ne fushen e mbetjeve urbane te ketij qyteti, nderkohe qe jane penalizuar me gjoba edhe fermeret. "Ka qene nje sasi prej 10 tonesh te nenprodukteve te qumeshtit qe s'ka qene brenda kushteve per tregtim", tha Strati per gazeten "KJ". Nderkohe ne kontrollet e inspektoratit te veterinarise jane perfshire edhe 60 njesi thertore, ku ne 90 per qind te rasteve shitet mall i kontrolluar. "Te gjithe produktet e mishit qe tregtohen ne qytetin e Fierit, trajtohen ne thertore dhe me licence, te kontrolluar nga inspektoret veterinare te cilet kryejne edhe vulosjen e produkteve qe shkojne ne treg per shitje", sqaroi Strati. Kontrollet e inspektoratit mesohet se do te vijojne edhe pergjate muajit dhjetor, per ushqimin qe do te tregtohet gjate festave te fundvitit.

Xh. Beharaj