Ushtaraket ne proteste per pensionet
Ushtaraket ne lirim protestojne ne sheshin qendror te qytetit te Fierit ne kerkim te statusit dhe rritjes se pensioneve, sipas vendimit te drejtesise. Diten e djeshme, rreth 100 ish-ushtarake kane dale ne nje tubim paqesor para Prefektures me parulla per mbrojtjen e se drejtes dhe zbatimin e ligjit. Madje, protestuesit kane hedhur edhe parulla kunder qeverise, e cila nuk po i mbeshtet per rritjen e pensioneve, duke mos i perfshire ne skeme. Duke demonstruar me veprime, si nxjerrjen e xhepave bosh, drejtuesit e protestes kerkuan edhe zbutjen e cmimeve te larta, pasi jetesa nuk mund te perballohet. Te pranishem gjate tubimit kane qene kryetari i deges se shoqates per Fierin, Ruzhdi Xhepa, si dhe nje perfaqesues i ardhur nga Tirana, Hasan Seferi, qe kane pershendetur protesten.
Ushtaraket ne rezerve kerkuan me thirrje ne kor zbatimin e ligjit te kaluar ne parlament per rritjen e pensioneve. "Kryeministri i vendit ka shkelur si ligjin dhe Kushtetuten", u shpreh kreu i deges se Fierit, Xhepa, ne fjalen e tij. Ai shtoi se do te insistohet per plotesimin e kerkesave qe do te pasohet nga protesta te tjera. Ndryshe nga protesta e pare, ku moren pjese edhe deputete te zones dhe perfaqesues te opozites, dje eshte vene re mungesa e tyre dhe indiferenca e qytetareve qe kane ndjekur nga larg tubimin.
Protestuesit demonstruan edhe nje here pamundesine e tyre per te perballuar jetesen e shtrenjte, duke treguar xhepat dhe portofolat bosh, pasi ne treg jane rritur cmimet, qe nga vaji e makaronat, dhe deri te perimet e zarzavatet. Kreu i kesaj shoqate, Ruzhdi Xhepa, kerkoi qe qeveria te nderhyje me urgjence ne uljen e cmimeve. Thirrja e tyre per te mbeshtetur protesten nuk gjeti pergjigjen e disa qytetareve, qe ne ato momente po kalonin ne rruge, nderkohe qe te tjere qendruan per t'i pare. "Ne jemi te pakenaqur jo me nga mungesa e politikave konkrete per te krijuar mireqenie per te gjithe, por nga mungesa totale edhe e politikave per te siguruar mbijetesen dhe buken e perditshme", tha Xhepa.
Xhemil Beharaj