Ushtria siriane ndërhyn në Latakia

Armata e Sirisë i ka vendosur trupat e saj në qytetin port Latakia, me qëllim që ta qetësoj situatën pas kryengritjes anti-qeveri në këtë qytet, nga e cila raportohet se janë vrarë 12 persona.

Dhuna të premten dhe të shtunën në Latakia, u bë në kuadër të kryengritjes së gjërë kundër sundimit të regjimit të presidentit, Bashar al-Assad, nga e cila ka pasur të vrarë dhe të plagosur.

Gjatë ditës së djeshme është raportuar se gjendja në qytete kryesore ishte e qetë.

Autoritetet kanë sugjeruar se dhuna në këtë vend po inicohet nga ata që shpresojnë të provokojnë konflikt ndërfetar në Siri.