Ushtria siriane pozicionohet në qytetin Latakia
Njësitë e ushtrisë siriane janë pozicionuar në gjithë qytetin e Latakias, një ditë pas protestave antiqeveritare që rezultuan me vdekjen e dy personave.
Dëshmitarët thonë se forcat e sigurisë kanë hapur zjarr kur protestuesit kanë sulmur selinë e partisë Bath, por autoritetet akuzojnë grupet e armatosura për sulme ndaj demonstruesve.
Damasku ka liruar sot edhe aktivisten Diana Javabra. Arrestimi i saj u ka dhënë edhe më shumë hov protestave në qytetin Dara.
Protestuesit bëjnë thirrje për largimin nga pushteti të presidentit Bashar al-Asad, familja e të cilit sundon Sirinë që 40 vjet.