V E N D I M P Ë R KUOTËN E PRANIMIT DHE TARIFËN E SHKOLLIMIT NË PROGRAMET E CIKLIT TË TRETË, TË STUDIMEVE SPECIALIZUESE AFATGJATA, NË FAKULTETIN E MJEKËSISË, TË UNIVERSITETIT TË TIRANËS, NË VITIN AKADEMIK 2009 - 2010  
V E N D I M
P ë R
KUOTëN E PRANIMIT DHE TARIFëN E SHKOLLIMIT Në PROGRAMET E CIKLIT Të TRETë, Të STUDIMEVE SPECIALIZUESE AFATGJATA, Në FAKULTETIN E MJEKëSISë, Të UNIVERSITETIT Të TIRANëS, Në VITIN AKADEMIK 2009 - 2010
Në mbështetje të nenit 100 të Kushtetutës dhe të neneve 26, pika 1.3.2, 34, 42 e 75, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave
V E N D O S I :
1. Kuota e pranimit në programet e ciklit të tretë, të studimeve specializuese afatgjata, në Fakultetin e Mjekësisë, të Universitetit të Tiranës, që fillojnë studimet në vitin akademik 2009-2010, të jetë 285, e ndarë në specialitete, sipas shtojcës nr.1, që i bashkëlidhet këtij vendimi.
2. Nga kuotat e përcaktuara në pikën 1, të këtij vendimi, 21 kuota caktohen për kandidatët nga trojet shqiptare, jashtë kufijve të Republikës së Shqipërisë, të cilat administrohen nga Ministria e Arsimit dhe Shkencës, sipas kërkesave të institucioneve zyrtare të këtyre trojeve.
3. Kuotat e paplotësuara rishpërndahen nga Ministria e Arsimit dhe Shkencës.
4. Tarifa vjetore e shkollimit për studimet specializuese afatgjata, në Fakultetin e Mjekësisë, të Universitetit të Tiranës, të jetë 60 000 (gjashtëdhjetë mijë) lekë.
Studenti i nënshtrohet vetëm një tarife vjetore shkollimi.
5. Ngarkohen Ministria e Arsimit dhe Shkencës dhe Universiteti i Tiranës për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
SALI BERISHA23/12/2009