V E N D I M PËR HAPJEN E PROGRAMIT TË STUDIMIT TË CIKLIT TË DYTË NË UNIVERSITETIN “ALEKSANDËR XHUVANI”, ELBASAN

V E N D I M PËR HAPJEN E PROGRAMIT TË STUDIMIT TË CIKLIT TË DYTË NË UNIVERSITETIN “ALEKSANDËR XHUVANI”, ELBASAN

Në mbështetje të nenit 100 të Kushtetutës dhe të neneve 26 e 42, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

8.     Hapjen, në universitetit “Aleksandër Xhuvani”, Elbasan, të programeve të mëposhtme të studimit të ciklit të dytë, sipas fakulteteve:

a)     Në Fakultetin e Shkencave të natyrës, programi i studimit “Mbrojtje mjedisi”, në përfundim të të cilit lëshohet Diplomë e Nivelit të Dytë, DND, në mbrojtje mjedisi.

b)     Në fakultetin e Shkencave Humane, programi i studimit “Trashëgimi Kulturore” në përfundim të të cilit lëshohet Diplomë e Nivelit të Dytë, DND, në trashëgimi kulturore.

9.     Programet e studimeve të ciklit të dytë  realizohet me 120 kredite dhe zgjatja normale e tyre është dy vjet.

10.   Këto programe studimi të fillojnë veprimtarinë mësimore në vitin akademik 2009-2010.

11.   Efektet financiare, që rrjedhin nga zbatimi i këtij vendimi, të përballohen nga buxheti i vitit 2009,  miratuar për universitetin “Aleksandër Xhuvani”, Elbasan.

12.   Ngarkohen Ministria e Arsimit dhe Shkencës dhe universitetin “Aleksandër Xhuvani”, Elbasan, për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA