V E N D I M PËR KALIMIN E PËRGJEGJËSISË SË ADMINISTRIMIT, NGA MINISTRIA E MBROJTJES MINISTRISË SË BRENDSHME, TË SIPËRFAQES 600 M2, PJESË E PRONËS NR.837, “SHTABI I BRIGADËS SË KËMBËSORIS˔, FIER, DHE PËR NJË NDRYSHIM NË VENDIMIN NR.515, DATË 18.7.200

V E N D I M 

PËR 

KALIMIN E PËRGJEGJËSISË SË ADMINISTRIMIT, NGA MINISTRIA E MBROJTJES MINISTRISË SË BRENDSHME, TË SIPËRFAQES 600 M2, PJESË E PRONËS NR.837, “SHTABI I BRIGADËS SË KËMBËSORISË”, FIER, DHE PËR NJË NDRYSHIM NË VENDIMIN NR.515, DATË 18.7.2003, TË KËSHILLIT TË MINISTRAVE, “PËR MIRATIMIN E LISTËS SË INVENTARIT TË PRONAVE TË PALUAJTSHME SHTETËRORE, TË CILAT I KALOJNË NË PËRGJEGJËSI ADMINISTRIMI MINISTRISË SË MBROJTJES”, TË NDRYSHUAR

Në mbështetje të nenit 100 të Kushtetutës dhe të neneve 13 e 15, shkronja “c”, të ligjit nr.8743, datë 22.2.2001, “Për pronat e paluajtshme të shtetit”, të ndryshuar, me propozimin e ministrit të Mbrojtjes, Këshilli i Ministrave

V E N D O S I:

1.     Kalimin e përgjegjësisë së administrimit, nga Ministria e Mbrojtjes Ministrisë së Brendshme, të sipërfaqes 600 (gjashtëqind) m2, pjesë e pronës nr.837, “Shtabi i Brigadës së Këmbësorisë”, Fier, për t’u përdorur nga komisariati i policisë, Fier. 

2.     Sipërfaqja, e përmendur në pikën 1, të këtij vendimi, sipas genplanit, që i bashkëlidhet këtij vendimi, të hiqet nga lista e inventarit të pronave të paluajtshme shtetërore të Ministrisë së Mbrojtjes, miratuar me vendimin nr.515, datë 18.7.2003, të Këshillit të Ministrave, të ndryshuar.

3.     Ministrisë së Brendshme i ndalohet ta ndryshojë destinacionin pronës së përcaktuar në këtë vendim, ta tjetërsojë ose t’ua japë në përdorim të tretëve.

4.     Ngarkohen ministri i Mbrojtjes, ministri i Brendshëm, ministri i Ekonomisë, Tregtisë dhe Energjetikës dhe kryeregjistruesi i Pasurive të Paluajtshme të Republikës së Shqipërisë të ndjekin procedurat e nevojshme për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA