V E N D I M PËR MIRATIMIN E LEJES, PËR NDËRTIMIN DHE SHFRYTËZIMIN E LINJËS TREGTARE TË INTERKONJEKSIONIT, ME RRYMË TË VAZHDUAR, PORTO ROMANO/DURRËS (SHQIPËRI) – CASAMASSIMA/BARI (ITALI)

V E N D I M

PËR

MIRATIMIN E LEJES, PËR NDËRTIMIN DHE SHFRYTËZIMIN E LINJËS TREGTARE TË INTERKONJEKSIONIT, ME RRYMË TË VAZHDUAR, PORTO ROMANO/DURRËS (SHQIPËRI) – CASAMASSIMA/BARI (ITALI)

Në mbështetje të nenit 100 të Kushtetutës dhe të ligjit nr.9072, datë 22.5.2003, “Për sektorin e energjisë elektrike”, të ndryshuar, me propozimin e ministrit të Ekonomisë, Tregtisë dhe Energjetikës, Këshilli i Ministrave

V E N D O S I:

1. Miratimin e ndërtimit të linjës tregtare të interkonjeksionit, me rrymë të vazhduar, Porto Romano/Durrës  (Shqipëri) – Casamassima/Bari (Itali).

2.  Miratimin e lejes nr.3, datë 1.10.2008 të ministrit të Ekonomisë, Tregtisë dhe Energjetikës, “Për ndërtimin dhe shfrytëzimin e linjës tregtare të interkonjeksionit, me rrymë të vazhduar, Porto Romano/Durrës (Shqipëri) – Casamassima/Bari (Itali)”, dhënë shoqërisë “ENEL Produzione, S.p.A”, sipas tekstit, që i bashkëlidhet këtij vendimi.

3. Ngarkohet ministri i Ekonomisë, Tregtisë dhe Energjetikës për  zbatimin e  këtij vendimi.

Ky vendim hyn në fuqi pas botimit në “Fletoren zyrtare”.

 K R Y E M I N I S T R I

SALI BERISHA