V E N D I M PËR NJË NDRYSHIM NË VENDIMIN NR.857, DATË 5.8.2009, TË KËSHILLIT TË MINISTRAVE, “PËR HAPJEN, NË QYTETIN E PESHKOPISË, TË FILIALEVE DHE TË PROGRAMEVE TË STUDIMEVE, TË FAKULTETEVE TË EKONOMISË E TË ADMINISTRIMIT, TË EDUKIMIT DHE TË SHKOLLËS

V E N D I M 

PËR 

NJË NDRYSHIM NË VENDIMIN NR.857, DATË 5.8.2009, TË KËSHILLIT TË MINISTRAVE, “PËR HAPJEN, NË QYTETIN E PESHKOPISË, TË FILIALEVE DHE TË PROGRAMEVE TË STUDIMEVE, TË FAKULTETEVE TË EKONOMISË E TË ADMINISTRIMIT, TË EDUKIMIT DHE TË SHKOLLËS SË LARTË PROFESIONALE, TË UNIVERSITETIT “ALEKSANDËR MOISIU”, DURRËS, SI DHE PËR MIRATIMIN E KUOTAVE TË PRANIMIT E TË TARIFËS SË SHKOLLIMIT NË KËTO PROGRAMME STUDIMI, PËR VITIN AKADEMIK 2009-2010”

Në mbështetje të nenit 100 të Kushtetutës dhe të neneve 8, pika 1, 11, pika 2, shkronja “b”, 26, 33, 42 e 75,  të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

Pika 3, e vendimit nr.857, datë 5.8.2009, të Këshillit të Ministrave, ndryshohet, si më poshtë vijon:

“3.  Filiali i Fakultetit të Edukimit do të ofrojë programet e studimit, të ciklit të parë, në:

a)     “Matematikë-Fizikë”, në përfundim të të cilit lëshohet “Diplomë e nivelit të parë” (DNP), në matematikë-fizikë;

b)     “Matematikë-Informatikë”, në përfundim të të cilit lëshohet “Diplomë e nivelit të parë” (DNP), në matematikë-informatikë;

c)     “Informatikë-Anglisht”, në përfundim të të cilit lëshohet “Diplomë e nivelit të parë” (DNP), në informatikë-anglisht;

ç)  “Gjuhë-Letërsi-Anglisht”, në përfundim të të cilit lëshohet “Diplomë e   nivelit të parë” (DNP), në gjuhë-letërsi-anglisht;

d)     “Biologji-Kimi”, në përfundim të të cilit lëshohet “Diplomë e nivelit të parë” (DNP), në biologji-kimi;

dh) “Psikologji-Sociologji”, në përfundim të të cilit lëshohet “Diplomë e nivelit të parë” (DNP), në psikologji-sociologji;

e)     “Procese formimi”, në përfundim të të cilit lëshohet “Diplomë e nivelit të parë” (DNP), në procese formimi.”.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA