VENDIM PER DHËNIEN E LEJES PËR HAPJEN E SHKOLLËS SË LARTË UNIVERSITARE, JOPUBLIKE, “SEVASTI & PARASHQEVI QIRIAZI”

V E N D I M

PER

 DHËNIEN E LEJES PËR HAPJEN E SHKOLLËS SË LARTË UNIVERSITARE, JOPUBLIKE, “SEVASTI  & PARASHQEVI QIRIAZI”

Në mbështetje të nenit 100 të Kushtetutës dhe të neneve 1, 12 e 13, të ligjit nr.8461, datë 25.2.1999, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

 
Dhënien e lejes për hapjen e shkollës së lartë universitare, jopublike, “Sevasti & Parashqevi Qiriazi”, me seli qendrore në Tiranë, Kodër Kamëz.

 
Shkolla e lartë universitare, jopublike, “Sevasti & Parashqevi Qiriazi”, do të ketë Fakultetin Ekonomik, me degët:

-          Menaxhim biznesi                (4 vite);

-          Drejtues finance                 (4 vite);

-          Drejtues kontabiliteti (4 vite).

 
Në mbarim të ciklit të parë të studimeve, të cilat do të zgjasin 4 vjet, shkolla e lartë universitare, jopublike, “Sevasti & Parashqevi Qiriazi”, do të japë diplomë universitare “Bachelor”, në titujt:

-          Menaxhim biznesi;

-          Drejtues finance;

-          Drejtues kontabiliteti.

 
Shkolla e lartë universitare, jopublike, “Sevasti & Parashqevi Qiriazi”, do të fillojë veprimtarinë në vitin akademik 2006-2007 dhe do të ketë sistemin e studimeve me dhe pa shkëputje nga puna.

 
Ngarkohet Ministria e Arsimit dhe Shkencës të kryejë procesin e vlerësimit dhe të akreditimit të kurseve të studimit dhe të ndjekë zbatimin e ligjshmërisë.

Ky vendim hyn në fuqi pas botimit në “Fletoren zyrtare”.

 
K R Y E M I N I S T R I

SALI  BERISHA