VENDIM PER PËRCAKTIMIN E MADHËSISË SË PAKETËS SË AKSIONEVE TË KAPITALIT, TË SHOQËRISË ANONIME “OPERATORI I SISTEMIT TË SHPËRNDARJES”, QË U OFROHET INVESTITORËVE STRATEGJIKË

V E N D I M

PËR

PËRCAKTIMIN E MADHËSISË SË PAKETËS SË AKSIONEVE TË KAPITALIT, TË SHOQËRISË ANONIME “OPERATORI I SISTEMIT TË SHPËRNDARJES”, QË U OFROHET INVESTITORËVE STRATEGJIKË

Në mbështetje të nenit 100 të Kushtetutës, të nenit 7,  të ligjit nr.8306,      datë 14.3.1998, « Për strategjinë e privatizimit të sektorëve me rëndësi të veçantë », dhe të neneve 3, 7, 8 E 9, të ligjit nr.9889, datë 20.3.2008, « Për përcaktimin e formës dhe të strukturës së formulës së privatizimit të shoqërisë anonime « Operatori i Sistemit të Shpërndarjes » (OSSH) », me propozimin e ministrit të Ekonomisë, Tregtisë dhe Energjetikës, Këshilli i Ministrave

V E N D O S I :

1. Madhësia e paketës së aksioneve të kapitalit, të shoqërisë anonime « Operatori i Sistemit të Shpërndarjes », (OSSH), që u ofrohet investitorëve strategjikë, të jetë 76 për qind.

2. Ngarkohet Ministria e Ekonomisë, Tregtisë dhe Energjetikës të realizojë tenderin për privatizimin e shoqërisë anonime « Operatori i Sistemit të Shpërndarjes », sipas kërkesave të përcaktuara në tekstin, që i bashkëlidhet këtij vendimi.

3. Ngarkohet Ministria e Ekonomisë, Tregtisë dhe Energjetikës për zbatimin e këtij vendimi.

Ky vendim hyn në fuqi pas botimit në « Fletoren zyrtare »..

K R Y E M I N I S T R I

SALI  BERISHA