V E N D I M

PËR

PROPOZIMIN E PROJEKTLIGJIT “PËR NJË SHTESË DHE  NDRYSHIM NË LIGJIN NR.8976, DATË 12.12.2002, “PËR AKCIZAT”, TË NDRYSHUAR”

Në mbështetje të neneve 81, pika 1, dhe 100, të Kushtetutës, me propozimin e ministrit të Financave, Këshilli i Ministrave

V E N D O S I :

Propozimin e projektligjit “Për një shtesë dhe ndryshim në ligjin nr.8976,  datë 12.12.2002, “Për akcizat”, të ndryshuar”, për shqyrtim e miratim në Kuvendin e Republikës së Shqipërisë, sipas tekstit dhe relacionit, që i bashkëlidhen këtij vendimi.

Ky vendim hyn në fuqi menjëherë.

K R Y E M I N I S T R I

SALI  BERISHA

P R O J E K T L I GJ

PËR

NJË SHTESË DHE  NDRYSHIM NË LIGJIN NR.8976,   DATË 12.12.2002, “PËR AKCIZAT”, TË NDRYSHUAR

Në mbështetje të neneve 78, 83, pika 1,  dhe 155, të Kushtetutës, me propozimin e Këshillit të Ministrave, Kuvendi i Republikës së Shqipërisë

V E N D O S I :

Neni 1

Nё  nenin 19, “Përjashtimet”, të ligjit nr.8976, datё 12.12.2002, “Pёr akcizat”, tё ndryshuar, tё bёhen shtesa dhe ndryshimi, si më poshtë vijon:

1. Pas shkronjës “d”, të pikës 1, shtohet shkronja “e”, me këtë përmbajtje:

“e) gazoili është shitur për anijet e peshkimit në sasitë, kushtet dhe kriteret e përcaktuara me vendim të Këshillit të Ministrave.”.

2. Shkronja “c”, e pikës 2, shfuqizohet.

Neni 2

Ky ligj hyn në fuqi 15 ditë pas botimit në “Fletoren zyrtare”.

K R Y E T A R I

                       JOZEFINA TOPALLI