Van Nistelrooy përfundon sezonin

Sulmuesi i Hamburgut, Ruud van Nistelrooy nuk do të paraqitet në vazhdim të sezonit për shkak të tërheqjes së një muskuli në kofshën e këmbës së majtë.

Ish-reprezentuesi holandez u dëmtua gjatë barazimit 0-0 në shtëpi me Hannoverin të shtunën.

Van Nistelrooy i tha uebfaqes zyrtare të Hamburgut se “ndodhi kah fundi i takimit. Dhimbja u shtua pas ndeshjes. Me siguri se do të mungojë për një kohë më të gjatë”. Van Nistelrooy ka kontratë me Hamburgun vetëm deri në fund të sezonit.