Vapa godet Elbasanin, dy te vdekur ne qershor

Ditet e fundit, Qarku i Elbasanit eshte perfshire nga temperatura te larta sahariane, deri ne 42 grade. Efektet perveluese te vapes po i vuan popullsia e zones. Me te goditur rezultojne femijet dhe te moshuarit, por edhe fermeret, qe kryejne pune direkt ne fusha kane manifestuar shenja te goditjes nga dielli dhe hipertermia. Ne spitalin pediatrik te Elbasanit jane shtuar rastet me diarre dhe barkun e veres. Rreth 50 femije paraqiten mesatarisht cdo dite ne kete spital me shenja te semundjes se stines. Rastet jane disa here me te medha, pasi mjaft vogelushe te tjere marrin mjekim ambulator ne qendra shendetesore dhe ne spitale prane vendbanimeve. Rastet me te renda mbahen per mjekime me serume dhe antibiotike ne pediatrik. Komplikacion i barkut te veres eshte dizenteria, e cila rrezikon edhe jeten e pacienteve. Te moshuarit goditen nga semundje te sistemit kardiovaskular. Gjate javes se fundit, ne urgjencen e qendres spitalore dhe repartin e kardiologjise jane paraqitur 22 persona me parainfarkt dhe me infarkte te zemres. Ne rruge ka pasur raste te asfiksise dhe gjendjes se te fiktit nga temperatura e larte. Dy shtetas nga ky rreth kane gjetur vdekjen e menjehershme si pasoje e goditjes nga dielli, gjate ketij muaji. Njeri prej tyre nderroi jete ndersa ishte duke udhetuar ne autobus, ndersa nje tjeter vdiq kur po udhetonte ne nje rruge ne qytetin e Cerrikut. Krahasuar me javet e kaluara, ka pasur shtim te vdekjeve ne qytet. Gjate kesaj jave nderruan jete 13 shtetas, ku sipas te dhenave, vapa dhe temperatura e larte u ka dhene goditjen perfundimtare dhe kane ndikuar. Nderkohe, reparti i zjarrfikesve ka marre te gjitha masat per te shuar ne kohe vatrat e zjarrit. Pergjegjesi i repartit te zjarrfikesve ne Elbasan, Aleksander Hodo, pohon se rrethi i Elbasanit ka ne dispozicion 8 zjarrfikese. Njera prej tyre eshte dhurate e qeverise daneze dhe zoteron sistem bashkekohor te fikjes se zjarrit me uje dhe me shkume. Nje zjarrfikese tjeter eshte e specializuar per rastet e aksidenteve rrugore. Gjate vitit te kaluar u fiken mbi 600 zjarre. Por, ndersa Elbasani paraqitet mire ne kete drejtim, nenprefekturat Librazhd, Gramsh dhe Peqin kane mangesi te theksuara dhe shpesh kerkojne ndihmen e kolegeve nga Elbasani. I gjithe Qarku i Elbasanit numeron 13 zjarrfikese, te cilat duhet te perballojne nga zjarret prefekturen me shtrirje me te madhe ne shkalle vendi.

Fatos Salliu