Banda e Durresit si "Kosa Nostra Due"

Tirane - Seanca e djeshme gjyqesore eshte shoqeruar me incidente te radhes, te cilat kane cuar edhe nisjen me vonese te procesit gjyqesor. Teksa te gjithe familjaret e te pandehurve kishin hyre ne sallen numer 1 te Gjykates se Krimeve te Renda, avokatet duhet t'i nenshtroheshin kontrollit nga ana e efektivave te gjykates, ose nga nje prej efektivave te "Briskut", i cili qendronte i maskuar te dera e salles. Ne rast se avokatet nuk i nenshtroheshin kontrollit si familjaret, keta te fundit nuk lejohej qe te futeshin ne seancen gjyqesore. Ky fakt eshte kundershtuar nga ana e avokateve, te cilet kane lajmeruar edhe kryetarin e gjykates. Sipas tyre, keta te fundit nuk jane as te pandehur, por as pjesemarres ne seance, por pale e procesit gjyqesor. Procesin gjyqesor e kane cilesuar si "Kosa Nostra Due". Sipas avokateve, ashtu edhe sic nuk i nenshtrohet kontrollit perfaqesuesit e prokurorise edhe keta te fundit nuk duhet te kontrolloheshin. Pas debateve te shumta eshte vene ne dijeni edhe trupi gjyqesor, i cili e ka cilesuar si nje incident veprimin qe ndodhi. Sipas kryesuesit te trupit gjykues, Gurali Brahmillari, do te pergatitet nje draft rregullore per rregullat qe duhet te ndiqen. Sipas Brahimllarit, ky draft do te pergatitej pas konsultimit me kryetarin e gjykates, mbi rregullat qe duhet te kryhen perpara se te hysh ne seancat gjyqesore. Por jo vetem kaq, nje mendim do te jepnin edhe efektivat e gjykates per lejimin apo jo te kontrollit te avokateve. Drafti do te afishohet ne gjykate dhe do te percaktoje te gjitha pikat e rregullores mbi rregullat ne kete gjykate, perfshite ketu edhe personat qe duhet t'i nenshtrohen kontrollit te uniformave blu.