Varret e dhespoteve, nderhyjne arkeologet

Korce - Ne debatin ndermjet Mitropolise se Shenjte ne Korce dhe bashkise se qytetit per varrezat e vjetra te klerikeve ortodokse, kane nderhyre edhe arkeologet, si dhe dega rajonale e Monumenteve te Kultures. Perfaqesues te ketyre institucioneve kane shfaqur dje interesim qe te njihen me vlerat historike te vendit, ku dy dite me pare eshte pezulluar ndertimi i palestres se shkolles "Sevasti Qiriazi". Gjate paradites se sotme, pritet te zhvillohet nje takim ne zyren e kryetarit te Bashkise se Korces, Niko Peleshi, me pjesemarrjen e Mitropolitit te Korces, Imzot Johanit. Ndersa Peleshi ka nderhyre per pezullimin e ndertimit, ai ka percaktuar se kjo vlen vetem per pjesen ku mendohet se ka qene kisha e Shen Harallambit, ndersa pjesa tjeter e investimit arsimor do te vazhdoje. Deri mbreme Mitropolia dhe Bashkia e Korces jane munduar te shmangin ndonje konflikt te mundshem, ndersa gjate takimit te sotem pritet nje zgjidhje e pranueshme per te dyja palet.
G. Ashimi