Vrasja per nder, prokuroria mbyll hetimet
Prokuroria e Tiranes dergon pas tete vitesh per gjykim dosjen ne ngarkim te te akuzuarit per vrasjen e motres. Nuhi Prapa dyshohet se qelloi Sulbie Islamin pas nje grindjeje se dyshonte qe motra kishte lidhje jashtemartesore, ne qershor te vitit 1999. Prapa eshte arrestuar ne muajin prill te ketij viti nga policia e Komisariatit nr. 3, tete vjet pas kryerjes se krimit, ndersa gjendet nen masen e "arrestit me burg". Shkak i kesaj vonese eshte bere deklarata e familjareve se Sulbie Islami ishte vetevrare. Por, me kalimin e viteve, sekreti nuk eshte ruajtur dhe policia nisi hetimet per nje vrasje, duke marre si te dyshuar vellane e saj, Nuhi Prapa. Burime prane organit te akuzes u shprehen se jane mbledhur deshmi te personave qe kane pasur dijeni per kete krim. Sipas te njejtave burime, deshmitaret, edhe pse kane kryer nje veper penale, ate te moskallezimit te krimit, nuk jane marre ne ndjekje penale, pasi akuza, per te cilen ata duhej te pergjigjeshin, jane amnistuar gjate viteve te fundit. Nga hetimet e kryera ka rezultuar se vrasja eshte kryer per motive te dobeta, pasi autori i dyshuar i krimit, Nuhi Prapa mendonte se e motra, Sulbie Islami, kishte lidhje jashtemartesore. R. C