Vatikan, Papa bën thirrje për dialog me botën Islame

Vatikan (start)Papa Bendedikti XVI, ka bërë apel për të hapur dialogun me botën Islame. Gjatë një forumi katoliko-mysliman, Papa iu drejtua të pranishme që të bashkojnë forcat për të kapërcyer keqkuptimet dhe mosmarrëveshjet. Papa ka dënuar persekutimet e kryera në emër të fesë, qe sipas tij janë akte të pajustifikueshme.

“Të tejkalojmë paragjykimet dhe te korrigjojmë imazhet e transformuara nga të tjerët, që po krijojnë vështirësi për marrëdhëniet tona. Te edukojmë të rinjtë për të ndërtuar të ardhmen e përbashkët”-deklaroi numri një i Vatikanit.

Bendedikti XVI tha se të krishterët dhe myslimanët duhet të bashkëpunojnë për të nxitur respektin reciprok në emër të dinjitetit të njerëzve dhe te drejtave thelbësore.