Vazhdojnë me të vjetrën

Zyrtarë të BE’së thonë se temat për takimin e ardhshëm në Bruksel mbeten telekomi, energjia dhe pjesëmarrja e Kosovës në forumet rajonale. Implementimi i marrëveshjeve të arritura, nga të cilat sipas zyrtarëve të BE’së, derivon edhe çështja e menaxhimit të integruar të kufijve, po ashtu pritet të diskutohet. E Qeveria në Beograd po shfaq shenja serioze të implementimit të marrëveshjeve.

Bashkimi Europian ende nuk ka një datë për vazhdimin e bisedimeve Kosovë –Serbi.

Pavarësisht se Robert Cooper tashmë po bën përpjekje që të çojë palët në Bruksel, kur është fjala për takimin e radhës zyrtarët në BE iu referohen deklaratave të Përfaqësueses së Lartë Catherine Ashton, e cila ka thënë se pret që dialogu të fillojë shpejt.

“Nuk ka një datë të konfirmuar ende, por siç e tha Përfaqësuesja e Lartë Ashton pas takimit të Këshillit për Politikë të Jashtme, ne shpresojmë se takimi i radhës do të mbahet shumë shpejt”, ka thënë një zyrtar i BE’së për gazetën.

Raundi i ardhshëm i bisedimeve, i cili edhe pritet të zhbllokojë këtë proces pas ndërprerjes në muajin shtator, ka shtuar konfuzionin rreth agjendës, sidomos pasi kohëve të fundit delegacionet kanë aktualizuar çështjen e menaxhimit të integruar të kufijve.

Shkrimin e plotë mund ta lexoni në Express...