Vdekja e Trebickës, kush janë ekspertët që këqyrën vendin e ngjarjes
Grupi i hetimit, nga hetuesit lokalë deri në instancat më të larta. Ekspertët mjekoligjorë, profesionistë pa eksperiencën më të madhe në ekzaminime
Luan Kondi
Tiranë – Janë shumë ata që shkuan të hetonin një nga ngjarjet më të bujshme, por pak nga ata kanë realizuar punë konkrete në terren. Trumbetohet se janë më të mirët, por kolegët dhe ish-kolegët e tyre nuk mendojnë kështu. Të gjithë kanë rendur drejt fakteve, dyshimeve, provave kontradiktore apo dhe jo të tillë, por askush nuk është interesuar të dijë se cilët janë ata që realisht u morën në këqyrjen e vendit të ngjarjes dhe po ashtu me administrimin e provave që u gjetën atje.
Konstatimi
Pas konstatimit të vdekjes së Kosta Trebickës në vendin e ngjarjes të parët kanë shkuar ekspertët vendorë nga Tirana. Burimet zyrtare thonë se atje shkuan ekspertët më të mirë, madje veprimet procedurale i kryen më të mirët. Megjithatë, deri tani nuk ka një variant bindës për vdekjen e Trebickës. Ishte aksidentale, apo kemi të bëjmë me një ngjarje kriminale? Për t’i dhënë rëndësinë e duhur asaj që ndodhi kanë shkuar në vendin e ngjarjes edhe drejtues të lartë të Policisë së Shteti, dy zëvendësdrejtorët e Përgjithshëm, Agron Kuliçi dhe Rasim Boriçi, madje me ta ka qenë edhe drejtori i Drejtorisë së Krimeve të Rënda, Tonin Voci. Duke mos lënë pas interesin policor Prokuroria ka nisur në vendngjarje prokurorët Sokol Stojani dhe Zamir Shtylla dhe më në fund nuk ka mundur të mos shkojë atje dhe kreu i organit të akuzës, Ina Rama. Pavarësisht nga pompoziteti i figurave policore dhe ligjore, ngjarja ka qenë në fokusin profesional të niveleve më të ulëta. Edhe pse pretendohet se atje ishin ekspertët më të mirë, vetë emrat e atyre që kanë kryer detyrën gazeta ka mundur t’i listojë thuajse të gjithë ata që kanë marrë pjesë në hetimin mjaft delikat të kësaj ngjarjeje.
Vendi i ngjarjes
Policia vendore ka shkuar rreth një orë pasi ka marrë njoftimin nga një banor i zonës. Në krye të tyre kanë qenë drejtuesit vendorë të policisë, ndërsa në cilësinë e ekspertit kriminalist për të bërë këqyrjen e vendit të ngjarjes ka qenë Artur Fejzo. Nuk kanë munguar edhe ekspertë të departamentit të hetimit të krimeve nga Drejtoria e Përgjithshme e Policisë. Ndërsa për të kryer matjet autoteknike dhe për të thënë mendimin rreth skemës së mundshme të ngjarjes, përveç ekspertit vendor është thirrur edhe një ekspert nga Tirana, nga Drejtoria e Qarkullimit, që është në varësinë e Departamentit të Rendit dhe Sigurisë. Në vendin e ngjarjes kanë qenë edhe kryeprokurori i Korçës, Përparim Vukaj dhe një nga vartësit e tij, që sipas burimeve, ishte Hysen Kulla. Duke iu referuar të dhënave, Vukaj ka shkuar në Prokurorinë e Korçës korrikun e vitit 2005, pas transferimeve që propozoi në radhët e prokurorive të rretheve Theodhori Sollaku, që u dekretuan nga Presidenti i Republikës së asaj kohe, Alfred Moisiu. Vartësi i tij ka qenë në atë detyrë prej vitesh. Pas ekzaminimeve në vendin e ngjarjes detyrën kryesore e patën ekspertët mjekoligjorë, të cilët përcaktuan edhe shkakun e vdekjes së Trebickës duke lënë të kuptohet se ishte aksidentale.
Ekspertiza mjeko-ligjore
Autopsia u krye me pjesëmarrjen e katër ekspertëve mjekoligjorë, nga të cilët dy ekspertë të Institutit të Mjekësisë Ligjore Tiranë, zëvendësdrejtori Admir Sinamati, i cili nuk e ka eksperiencën e të tjerë ekspertëve që janë në atë institucion, si Bardhyl Çipi, apo dhe të tjerë që punojnë me vite atje. Madje me Sinamatin ka qenë edhe një vartës i tij, Zija Ismaili, i cili po ashtu nuk ishte ndër ekspertët më me përvojë aty, e madje për këta të dy ish-drejtues të Mjekësisë Ligjore kanë thënë se nuk ishin më të mirët e institucionit, duke lënë të hapur debatin se përse u zgjodhën pikërisht këta dy persona për të kryer një ekzaminim kaq të vështirë. Në ndihmë të tyre kanë qenë edhe eksperti mjekoligjor i Gjykatës së Apelit Korçë, Robert Bicolli dhe eksperti mjekoligjor i rrethit të Pogradecit, Hasan Lahu. Duket se këtu do të përqendrohen edhe forcat, pasi kjo ekspertizë, deri tani, edhe pse nuk është thënë troç, mbështet versionin e aksidentit automobilistik, gjë që mbetet të vërtetohet edhe nga ekzaminime të tjera.
EKSPERTËT MJEKO-LIGJORË
Nga Tirana
1- Admir Sinamati
Aktualisht kryen detyrën e zëvendësdrejtorit të Institutit të Mjekësisë Ligjore, pa shumë përvojë në punë në këtë institucion dhe në ekzaminime të tilla. Njihet si ekzaminuesi i Budjon Meçes, i njohur si një nga të akuzuarit e dosjes “Hoxha”.
2 - Zija Ismaili erdhi në Institutin e Mjekësisë Ligjore pas largimeve nga puna të tetë ekspertëve, Suzana Lika, Ermira Kurti, Arben Lloja, Asqeri Xhani, Gramoz Ylli, Anesti Vako, Shkëlqim Korbi dhe Latif Fjolla. Këta të fundit u shkarkuan më 7 gusht të vitit të kaluar.
Nga Korça
Robert Bicolli ka qenë në këtë detyrë prej disa vitesh, por jo shumë i njohur
Nga Pogradeci
Hasan Laho, ekspert jo shumë i njohur
Ishin në vendin e ngjarjes
Agron Kuliçi
Zëvendësdrejtori i Policisë së Shtetit, ardhur në këtë detyrë në vitin 2005
Rasim Boriçi
Zëvendësdrejtori i Policisë së Shtetit, ardhur në këtë detyrë në vitin 2005
Tonin Voci
Drejtor i Krimeve të Rënda, ka qenë në disa detyra të nivelit të lartë në polici, në vitin 2005 emërohet drejtor në Drejtorinë e Krimeve të Rënda
Zamir Shtylla
Prokurori i çështjes së Gërdecit
Sokol Stojani
Prokurori i Prokurorisë së Përgjithshme, emëruar atje nga presidenti Bamir Topi në maj të këtij viti
Përparim Vukaj
Kryeprokurori i Korçës. Më 22 korrik të vitit 2005 ai u emërua në Prokurorinë e Korçës nga ish- presidenti Alfred Moisiu, ndërsa më parë kryente detyrën e inspektorit të Task-Forcës në Shkodër.
Hysen Kulla
Prokuror i Korçës, e kryen këtë detyrë prej disa vitesh
Artur Fejzo
Eksperti kriminalist
17 Shtator 2008
Luan Kondi
Tiranë – Janë shumë ata që shkuan të hetonin një nga ngjarjet më të bujshme, por pak nga ata kanë realizuar punë konkrete në terren. Trumbetohet se janë më të mirët, por kolegët dhe ish-kolegët e tyre nuk mendojnë kështu. Të gjithë kanë rendur drejt fakteve, dyshimeve, provave kontradiktore apo dhe jo të tillë, por askush nuk është interesuar të dijë se cilët janë ata që realisht u morën në këqyrjen e vendit të ngjarjes dhe po ashtu me administrimin e provave që u gjetën atje.
Konstatimi
Pas konstatimit të vdekjes së Kosta Trebickës në vendin e ngjarjes të parët kanë shkuar ekspertët vendorë nga Tirana. Burimet zyrtare thonë se atje shkuan ekspertët më të mirë, madje veprimet procedurale i kryen më të mirët. Megjithatë, deri tani nuk ka një variant bindës për vdekjen e Trebickës. Ishte aksidentale, apo kemi të bëjmë me një ngjarje kriminale? Për t’i dhënë rëndësinë e duhur asaj që ndodhi kanë shkuar në vendin e ngjarjes edhe drejtues të lartë të Policisë së Shteti, dy zëvendësdrejtorët e Përgjithshëm, Agron Kuliçi dhe Rasim Boriçi, madje me ta ka qenë edhe drejtori i Drejtorisë së Krimeve të Rënda, Tonin Voci. Duke mos lënë pas interesin policor Prokuroria ka nisur në vendngjarje prokurorët Sokol Stojani dhe Zamir Shtylla dhe më në fund nuk ka mundur të mos shkojë atje dhe kreu i organit të akuzës, Ina Rama. Pavarësisht nga pompoziteti i figurave policore dhe ligjore, ngjarja ka qenë në fokusin profesional të niveleve më të ulëta. Edhe pse pretendohet se atje ishin ekspertët më të mirë, vetë emrat e atyre që kanë kryer detyrën gazeta ka mundur t’i listojë thuajse të gjithë ata që kanë marrë pjesë në hetimin mjaft delikat të kësaj ngjarjeje.
Vendi i ngjarjes
Policia vendore ka shkuar rreth një orë pasi ka marrë njoftimin nga një banor i zonës. Në krye të tyre kanë qenë drejtuesit vendorë të policisë, ndërsa në cilësinë e ekspertit kriminalist për të bërë këqyrjen e vendit të ngjarjes ka qenë Artur Fejzo. Nuk kanë munguar edhe ekspertë të departamentit të hetimit të krimeve nga Drejtoria e Përgjithshme e Policisë. Ndërsa për të kryer matjet autoteknike dhe për të thënë mendimin rreth skemës së mundshme të ngjarjes, përveç ekspertit vendor është thirrur edhe një ekspert nga Tirana, nga Drejtoria e Qarkullimit, që është në varësinë e Departamentit të Rendit dhe Sigurisë. Në vendin e ngjarjes kanë qenë edhe kryeprokurori i Korçës, Përparim Vukaj dhe një nga vartësit e tij, që sipas burimeve, ishte Hysen Kulla. Duke iu referuar të dhënave, Vukaj ka shkuar në Prokurorinë e Korçës korrikun e vitit 2005, pas transferimeve që propozoi në radhët e prokurorive të rretheve Theodhori Sollaku, që u dekretuan nga Presidenti i Republikës së asaj kohe, Alfred Moisiu. Vartësi i tij ka qenë në atë detyrë prej vitesh. Pas ekzaminimeve në vendin e ngjarjes detyrën kryesore e patën ekspertët mjekoligjorë, të cilët përcaktuan edhe shkakun e vdekjes së Trebickës duke lënë të kuptohet se ishte aksidentale.
Ekspertiza mjeko-ligjore
Autopsia u krye me pjesëmarrjen e katër ekspertëve mjekoligjorë, nga të cilët dy ekspertë të Institutit të Mjekësisë Ligjore Tiranë, zëvendësdrejtori Admir Sinamati, i cili nuk e ka eksperiencën e të tjerë ekspertëve që janë në atë institucion, si Bardhyl Çipi, apo dhe të tjerë që punojnë me vite atje. Madje me Sinamatin ka qenë edhe një vartës i tij, Zija Ismaili, i cili po ashtu nuk ishte ndër ekspertët më me përvojë aty, e madje për këta të dy ish-drejtues të Mjekësisë Ligjore kanë thënë se nuk ishin më të mirët e institucionit, duke lënë të hapur debatin se përse u zgjodhën pikërisht këta dy persona për të kryer një ekzaminim kaq të vështirë. Në ndihmë të tyre kanë qenë edhe eksperti mjekoligjor i Gjykatës së Apelit Korçë, Robert Bicolli dhe eksperti mjekoligjor i rrethit të Pogradecit, Hasan Lahu. Duket se këtu do të përqendrohen edhe forcat, pasi kjo ekspertizë, deri tani, edhe pse nuk është thënë troç, mbështet versionin e aksidentit automobilistik, gjë që mbetet të vërtetohet edhe nga ekzaminime të tjera.
EKSPERTËT MJEKO-LIGJORË
Nga Tirana
1- Admir Sinamati
Aktualisht kryen detyrën e zëvendësdrejtorit të Institutit të Mjekësisë Ligjore, pa shumë përvojë në punë në këtë institucion dhe në ekzaminime të tilla. Njihet si ekzaminuesi i Budjon Meçes, i njohur si një nga të akuzuarit e dosjes “Hoxha”.
2 - Zija Ismaili erdhi në Institutin e Mjekësisë Ligjore pas largimeve nga puna të tetë ekspertëve, Suzana Lika, Ermira Kurti, Arben Lloja, Asqeri Xhani, Gramoz Ylli, Anesti Vako, Shkëlqim Korbi dhe Latif Fjolla. Këta të fundit u shkarkuan më 7 gusht të vitit të kaluar.
Nga Korça
Robert Bicolli ka qenë në këtë detyrë prej disa vitesh, por jo shumë i njohur
Nga Pogradeci
Hasan Laho, ekspert jo shumë i njohur
Ishin në vendin e ngjarjes
Agron Kuliçi
Zëvendësdrejtori i Policisë së Shtetit, ardhur në këtë detyrë në vitin 2005
Rasim Boriçi
Zëvendësdrejtori i Policisë së Shtetit, ardhur në këtë detyrë në vitin 2005
Tonin Voci
Drejtor i Krimeve të Rënda, ka qenë në disa detyra të nivelit të lartë në polici, në vitin 2005 emërohet drejtor në Drejtorinë e Krimeve të Rënda
Zamir Shtylla
Prokurori i çështjes së Gërdecit
Sokol Stojani
Prokurori i Prokurorisë së Përgjithshme, emëruar atje nga presidenti Bamir Topi në maj të këtij viti
Përparim Vukaj
Kryeprokurori i Korçës. Më 22 korrik të vitit 2005 ai u emërua në Prokurorinë e Korçës nga ish- presidenti Alfred Moisiu, ndërsa më parë kryente detyrën e inspektorit të Task-Forcës në Shkodër.
Hysen Kulla
Prokuror i Korçës, e kryen këtë detyrë prej disa vitesh
Artur Fejzo
Eksperti kriminalist
17 Shtator 2008