Vellavrasja, pret damaret me pllakat e banjes
Pendimi con drejt tentatives se veteflijimit te dyshuarin per vrasjen e vellait pas nje konflikti ne fshatin Shelqet te Vaut te Dejes ne Shkoder. Nard Ndoci i ka shpetuar vezhgimit te rojeve te paraburgimit te komisariatit, ndersa kishte hyre ne tualet, duke thyer nje prej pllakave te banjes dhe me te ka prere damaret e dores se majte. Ngjarja ka ndodhur mesditen e djeshme, ndersa 40-vjecari eshte nisur menjehere drejt spitalit, ku mbahet nen terapi intensive. Mjeket thane se gjendja e tij eshte kritike per jeten, pasi ka humbur shume gjak, kurse policia nisi hetimet dhe vleresoi si shkak te ngjarjes depresionin e Ndocit, pas krimit qe ai kreu duke ekzekutuar te vellane, Aleksander Ndocin, pas nje grindjeje per pronesi e nder.
Ndersa mbahej i izoluar ne paraburgimin e komisariatit Shkoder se bashku me te arrestuar te tjere, Nard Ndoci kishte kaluar prej tre ditesh ne disa seanca pyetjesh rreth ngjarjes se rende te 19 shkurtit. Dje, ne mesdite, 40-vjecari u ka kerkuar policeve te sherbimit qe ta shoqeronin per ne tualet. Dy prej tyre e kane marre prej krahu dhe kane pritur pas deres. Ne kete moment Ndoci ka shkulur nje prej pllakave duke prere damaret e dores se majte. Mungesa per disa minuta ka shqetesuar policet qe menjehere shqyen deren dhe gjeten te pergjakur Ndocin. Burime policore bene te ditur se gjendja e 40-vjecarit ka qene e rende, por nuk u dha nje njoftim zyrtar per ngjarjen.
Me urgjence Ndoci eshte derguar drejt spitalit te Shkodres. Mjeket e kane futur ne urgjence dhe jane perpjekur qe ta mbajne ne jete nepermjet nderprerjes se hemorragjise dhe nderhyrjes kirurgjikale. Deri mbreme vone, gjendja e 40-vjecarit nga fshati Shelqet ka qene e renduar dhe mjeket nuk dhane siguri per jeten te pakten pa kaluar 24 ore. Burime te policise se Shkodres thane dje se nisen hetimet per kete incident dhe vleresuar situaten. Ne pyetje jane marre dhe dy policet, ndersa si shkak cilesohet depresioni i 40-vjecarit. Ndoci akuzohet per vrasjen e vellait te tij, Aleksandrit, pasi prej dy vitesh kishin konflikt per nje siperfaqe toke.
R.Llazari