Vendet tona jane partnere strategjike

Presidenti i Republikes Bamir Topi ka zhvilluar dje nje takim me Kryeministrin e Turqise Rexhep Taip Erdogan. Topi shprehu mirenjohjen per perkrahjen e madhe qe Turqia i ka dhene vazhdimisht Shqiperise gjate proceseve te ndryshme e te rendesishme te konsolidimit te shtetit e te perparimit ekonomik e ushtarak te saj. Ne kete drejtim Kreu i Shtetit shqiptar vleresoi lart kontributin e vendit mik per reformimin e modernizimin e Forcave tona te Armatosura si pjese e strukturave te NATO-s duke shtuar se Turqia do te mbetet nje partner strategjik dhe vend prioritar ne politiken e jashtme te vendit tone. Gjithashtu Presidenti Topi vleresoi rritjen e dukshme te bashkepunimit te ndersjelle ekonomik dhe te shkembimeve tregtare duke theksuar rendesine e zgjerimit te metejshem te tyre kryesisht ne fushen e energjetikes infrastruktures shendetesise arsimit turizmit etj.