Venger kërkon blerës për rusin Arshavin

Menaxheri i Arsenalit, Arsen Venger, është i gatshëm ta shesë mesfushorin Andrej Arshavin në afatin kalimtar të janarit. “The Mirror” shkruan se Venger nuk do të mbështetet më në shërbimet e rusit dhe se është i gatshëm të dëgjojë ofertat që në janar. Arshavin nuk ka arritur të sigurojë vend të rregullt në skuadër këtë sezon dhe ka shprehur zhgënjimin e tij pasi lufton për një vend në kombëtaren Ruse për në Euro 2012. Megjithatë, Arsenali fillimisht dëshiron të gjejë zëvendësim para se ta shesë lojtarin.