Vetëflijohen tre persona, mes tyre një fëmijë
Burimet policore thane se rasti më i rëndë bën fjalë për një 11-vjecar, i cili është vetëvarur në banesën e tij në Petrelë të Tiranës, ndërkohë që tri rastet e tjera janë shënuar gjatë të enjtes.
11-vjecari, ishte gjetur pa jetë me litar në qafë nga të afërmit e tij në ambientet e banesës private. Policia ka marrë në pyetje familjarët e të miturit, të cilët nuk kanë ditur të shpjegojnë, pse ai kishte ndërmarrë një akt të tillë fatal.
Nga këqyrja e vendit të ngjarjes rezultoi se i mituri nuk kishte shenja dhune, por, sipas policisë, për ndërmarrjen e këtij akti ka ndikuar depresioni prej kushteve të këqija ekonomike. Ndërsa dy ditë më parë, policia ka regjistruar vetëvrasjen e një tjetër personi, me banim te Fusha e Aviacionit, i cili i ka dhënë fund jetës duke u vetëhelmuar.
Gjendja e keqe ekonomike dhe mungesa e mundësisë për të shlyer borxhet e marra, e ka detyruar Adem Hazmedarin t‘i japë fund jetës. Rasti tjetër i vetëvrasjes është shënuar në Kamzë.
Në kushtet e depresionit, është vetëhelmuar me fostoksinë edhe Artila Kodheli, 19 vjec. Familjarët, të cilët kanë mbërritur në banesë, kanë gjetur adoleshenten duke dhënë shpirt dhe me gjithë ndihmën e parë, ajo ka ndërruar jetë në duart e tyre.