Video Meta-Prifti, Gjykata e Lartë s`pranon kërkesën për riekspertim

(I përditësuar)-  Gjykata e Lartë hodhi sot poshtë kërkesën e prokurorve të çështjes “Meta- Prifti” për riekspertimin e videos së përgjuar. Në seancën e sotme, pas përgjigjeve të 3 ekspertëve shqiptarë që ishin caktuar për ekspertimin e videos, prokurorët kanë kërkuar sërish riekspertim, kësaj radhe nga ekspertë të huaj.

Pasi janë pyetur në lidhje me ekspertimin, sidomos për detajet teknike të ekzaminimit të videos, prokurorët janë tërhequr për rreth një orë për të marrë vendimin.

Përfundimet e arritura lënë vend për abuzime, është konkluzioni i prokurorëve, të cilët kanë kërkuar riekspertim nga specialistë të huaj.