Vidhet pika e basteve sportive në Korçë, në kërkim autorët

Korçë, 30 gusht, NOA Një pikë bastesh është grabitur në qytetin e Korçës, nga ku vjedhësit kanë arritur të marrin gjithë shumën e lekëve që ndodhej në arkë. Korrespodenti i Agjencisë NOA raporton se vjedhja është bërë dje në një prej zonave më të sigurta në qytet.

Hajdutët kanë hyrë në qendrën tregtare Citi Center , në qytetin e Korçës dhe prej andej kanë marrë rreth 200 mijë lekë të reja. Kjo ka qenë dhe shuma që ka pasur pika e basteve sportive.

Denoncimi është bërë nga pronarët e pikës së basteve. Korrespodenti i Agjencisë NOA raporton se policia ka marrë në pyetje rojet që kanë pasur shërbimin në qendrën tregtare dhe gjithë personat që mund të kenë informacione për ngjarjen.

a.k.NOA