Vieri kthehet në janar

Sulmuesi i Atalantas, Cristian Vieri mund të kthehet në fushën e futbollit në muajin janar. Ky është parashikimi i trajnerit të skuadrës nga Bergamo, Colantuono, i cili planifikon që në këtë kohë të aktivizojë ish-sulmuesin e Interit, Milanit, Monacos dhe kombëtares italiane që njëherë i kishte dhënë fund karrierës si futbollist, për tu penduar vetëm pak ditë më vonë. "Ka pasur një dëmtim të vogël. Ka një problem me gjurin dhe është duke u menduar nëse duhet ta operojë. Nëse do të aktivizohet në dhjetor apo në janar ka pak rëndësi. Me rëndësi është që të shërohet", ka thënë Colantuono.